Bob Lapierre

BOUKI ak MALIS Bob Lapierre

Bouki ak Malis"Onè-Respè" pou tout moun nou konnen ki te prese ranmase. Pou Christian Beaulieu (1939), premye Ayisyen ki te wè nesesite pou lang pèp la (Kreyòl) gen plas li nan lavi l. Jacques Roumain, ki nan ane 1940, lè Prezidan Eli Lescot ansanm ak legliz katolik te soti pou yo te efase kilt popilè a (Vodoun) sou tè Ayiti, te vin ranmase sa yo t ap fòse nou "rejete." Mèzalò, n ap di yon onè espesyal pou Alfred Métraux, yon entelektyèl Franse, paske, listwa di, si se pa t limenm ki te pouse do Jacques Roumain, jodi a se nan liv nou ta li, "Nan peyi Ayiti te gen yon relijyon popilè ki te rele Vodoun." Pou tout alyene ki gen foli konvèti Boukmann yo. Pou Georges Sylvain ki te ekri an 1901 premye ti liv kont kreyòl Ayisyen "Cric! Crac!" Apre sa n ap remèsye tout sa ki te fè jèfò suiv chimen pyonye sa yo. N ap lonmen non Rémy Bastien (1946), Michelson Hyppolite (1950), elatriye. M ap tou pwofite di on ti "Onè-Respè" pou tout sanba nèf yo, sa ki fenk ap boujonnen, ansanm ak tout lòt ki te deja fleri yo, espesyalman, Edner A. Jeanty ak O. Carl Brown, ki an 1976 te ba nou "999 Pawòl Granmoun." Vèsyon Bouki ak Malis sa a ekri nan memwa kouzen Yves Déjean, ki nan lane 1981 te ba nou koleksyon "Joli Joli Kont," epi pou kouzen Gerard-Marie Tardieu ki nan lane 1983 te chita ranmase 500 kont Ayisyen. Kouzin Deyita, Kont nan Jaden Peyi Ti Toma, men Bouki ak Malis.